Visita taller
Talleres e actividades
no MUVI
Ademais das visitas guiadas ao Museo, o MUVI desenvolve talleres para grupos e centros de ensino, con contidos propios e personalizados.
Esta modalidade inclúe o taller seleccionado e a visita básica para todo o alumnado.
Obradoiro impartido por persoal sanitario acreditado, formado tamén no eido do videoxogo, no que se abordan as recomendacións para o uso saudable dos videoxogos en base á evidencia científica actual.
Falaremos dos falsos mitos que aínda perduran en torno a eles, así como dos potenciais contextos negativos de xogo, achegando gran cantidade de exemplos, información e contidos para o alumnado e as persoas titoras.
Taller impartido por persoal sanitario
- Duración: 2h
- 8€ / Persoa
Visita inmersiva impartida en inglés. Un percorrido a través dos fitos máis importantes da historia do medio, resaltando o carácter internacional do videoxogo e a súa capacidade como ferramenta para a aprendizaxe e a mellora deste idioma.
Inclúe a interacción con títulos en inglés especialmente escollidos, e un cuestionario para desenvolver traballo de aula co alumnado trala visita.
Impartido polo persoal do MUVI
- Material didáctico
- Duración: 2h
- 10€ / Persoa
Neste taller exploraremos o proceso de deseño e desenvolvemento dun videoxogo da man unha persoa desenvolvedora galega , a través das súas propias experiencias e coñecementos.
Nun ambiente de diálogo e debate, o alumnado terá a oportunidade de afondar nos retos, nas estratexias e nas habilidades intrínsecas ao proceso creativo.
Impartido por desenvolvedores de videoxogos actuais
- Duración: 2h
- 10€ / persoa
As mulleres estiveron presentes na industria do videoxogo desde os seus inicios, pero seguen sendo minoría no sector. A pesar de representar máis do 40 % dos xogadores, só un 16 % traballa na industria en España.
A percepción pública adoita destacar nomes masculinos, relegando a segundo plano a contribución de moitas creadoras. A través deste obradoiro interactivo, o MUVI pon en valor o papel fundamental das mulleres na industria, incluíndo referentes galegas, mediante a exploración das súas obras e achegas clave.
Este obradoiro foi deseñado coa colaboración de Museos de Galicia
Impartido por persoal do MUVI.
- Duración: 2h
- 10€ / persoa
Taller no que se desenvolve un percorrido por case 40 anos de videoxogos desenvolvidos en Galicia así como das súas persoas creadoras, abordando o uso do galego nos videoxogos e a importancia da localización de contidos.
Interacción adicional cunha escolma de diversos títulos da nosa Terra ou que gardan unha estreita relación con Galicia.
- Duración: 2h
- 8€ / persoa
A Transmedialidade é a estratexia creativa que fai posible expandir unha narrativa a través de diferentes medios de comunicación.
O MUVI ofrece varios talleres centrados nas relacións do videoxogo con outros medios de expresión cultural e artística. O alumnado poderá interaccionar cunha selección de obras que exemplifican en cada caso estas influencias mutuas e a reciprocidade creativa inherente aos videoxogos.
- Talleres dispoñibles
- Literatura e Videoxogos
- Cinema e Videoxogos
- Duración: 2h
- 8€ / persoa
Obradoiro cunha exhibición de música en directo en relación a historia da industria cultural do videoxogo.
- Duración: 2h
- 10€ / persoa
CONSULTA E RESERVA
Información adicional sobre obradoiros talleresdesenvolvidos no MUVI, de martes a venres en horario 11:00 - 14:00
Museo do Videoxogo
- Rúa Aragón 2, Cangas do Morrazo
- 986 11 29 31
- info@muvi.gal
